الرئيسية
من طرف 
جمالك لفت كلبي ... وانتباهه
حلو وبيك نتفاخر ... وانتباهه
عزيزه العين والله ... وان تباهه
الك ترخص وبعدك ... ما تهمنه
ونهم بيك وحضرتك ... ما تهمنه
ذه كلبك بالخيانه ... ما تهمنه
وعد محتاج بيه ... تطمأنينه
يطم الكلب ونه ... يطم أنينه
بحر عينك سكينه ... وطمأنينه
واحس بعيوني خوف ... وهو امنهن
واذا مخنوك اشم ال ... هو منهن
حبيبي الحور منه ... وهو منهن
لجن ويه البراءه ... مسته حيله
لذلك بالمغازل ... مستحي له
اذا رحلة محبتك ... مستحيله
حرب طرواده اسويهه ...واجيلك
واحارب كل بني عصرك... وجيلك
ابد ما لفت عد غيرك ...وجي لك
يباوعلك لان انت ... قسمته
يمين الله رددته ... وقسمته
كلب بس واحد العندي ... وقسمته
نصف عندك يضل انته ... ونصف لك
ونصير الريش بجناحك ... نصفلك
اذا مريت يا الغالي ... نصف لك
كلب وارواح وعيون ... والايدين
واليه بذمتك طلبه ... والي دين
صحيح ادرس شريعه اني ...والي دين
ولكن اطلبك بوسه ... ومن فاك
اعوضك ضلم حرمناك ... ومنفاك
نضل طول العمر بيهه ... ومنفاك
اذا متحين ساعات المنيه
